Starfsemi og helstu verkefni

Starfsemi Mannréttindastofnunar Íslands er fjölbreytt og snertir allar hliðar samfélagsins. Við leggjum ríka áherslu á að vera málsvari mannréttinda, standa vörð um jafnrétti og tryggja að raddir allra hópa heyrist.

Helstu verkefni

Eftirlit og ráðgjöf

Að fylgjast með stöðu mannréttinda á Íslandi og veita stjórnvöldum, Alþingi og öðrum aðilum óháða ráðgjöf um mannréttindamál.

Alþjóðlegar skuldbindingar

Að hafa eftirlit með framkvæmd alþjóðlegra mannréttindasamninga og skila skýrslum til alþjóðlegra eftirlitsaðila.

Fræðsla & rannsóknir

Að efla þekkingu og skilning almennings, stjórnvalda og fyrirtækja á mannréttindum með því að hvetja til, stuðla að og taka þátt í fræðslu og rannsóknum.

Réttindagæsla fatlaðs fólks

 Að hafa eftirlit með réttindum fatlaðs fólks og leiðbeina fötluðu fólki og veita því viðeigandi stuðning svo það geti notið réttinda sinna.